Wia dis foto come from, Ulrik Pedersen/DeFodi Images via Getty Images, Ulrik Pedersen/DeFodi Images via Getty Images
19 minutes wey don pass
Nigeria go play di Democratic Republic of Congo for di World Cup qualifying playoff final on Sunday 16 November.
Di game hot up till di extra time and Nigeria get four goals wey push dem for di next round of di play off.
Di game bin end for 1-1 scoreline afta 90 minutes afta Akor Adams first score for Nigeria and Gabon player Mario Lemina equalise for di 89th minutes.
Afta added minutes, and Victor Osimhen miss late minute one-on-one, di game enta extra time.
Ejuke score im first goal for di Super Eagles for di 97th minutes while Osimhen top di goals.
DR Congo Chancel Mbemba late winner against Cameroon secure dem a spot for di final of di qualifying playoff.
Nigeria vs DR Congo wey go take place for di Stade Prince Moulay Abdellah for Rabat, Morocco, go kick-off by 8pm GMT.
Fifa official streaming service FIFA+ go livestream di match and BBC News Pidgin go also do live text commentary.
Meanwhile, Benin head coach Gernot Rohr believe say Nigeria go come out on top against DR Congo.
Di former Super Eagles coach wey follow Soccernet yarn tok say e expect di Super Eagles to defeat di Leopards.
E warn say di Congolese side pose a real threat, especially from set pieces and wit dia physical strength:
“Nigeria na di favourites, but dem gatz remain vigilant. Congo dey physically strong and dangerous on set pieces,” Rohr tok.
Nigeria vs DR Congo head to head
DIs go be di first competitive meeting between di two sides, wey neva meet since di 1-1 friendly for 2018.
